DE LA VILLE DE PARIS.
613
[,567]
Au quartier de Guerrier.......       c pionniers.
Au quartier de Danetz........    xxx
Au quartier de Paulmier......      xl
Au quartier de Du Ru........    xxx
Au quartier de Parfaic!.......        1
Au quartier de Langlois.......    vi"
Au quartier du Conte........       c
Au quartier de Bourlon.......    lxx pionniers.
Au quartier de Beausse........     lxx
Au quartier dc Beauquesne. ...      lx
Au quartier de Perlan........        I
Au quartier de Bourgeois. ......        1
Au quartier de Baudichon......      lx
Au quartier de Bellier........       c
DCCCXVI. — Advertissement aux cappitaines de ceste Ville
pour l'ordre de la garde des portes et rempartz.
Pour la garde des pouldres du Temple.
Pour aider aux pauvres qui n'ont moien d'avoir des pouldres à canon.
io octobre ,1567. (H 1784, fol. 423 r°.)
De par les Prevost des Marchans et Eschevins
DE LA VILLE DE PaRIS.
" Vous cappitaines du quartier du sire Guillaume Parfaict, nous vous mandons que nous avons esté assez deuement advertiz comme il se faict plusieurs faultes à la garde de nuict et de jour, tant par aul­cuns si mal affectionnez au service du Roy et de lad. Ville qu'ilz n'asistent ny envoyent, comme aussi que l'on n'asiste aux heures ordonnées qui sont les plus neccessaires là où il se commect de grandes faultes, dont il pourroyt advenir de grandz inconvenians; à ceste cause vous adviserez à vous assembler entre vous cappitaines dud. quartier, affin de commectre l'un de vous qui y tiendra la main, ad ce que tous les commandemens du Roy et les nostres soient exe­cutez, et ne recepvez aulcune excuse, les advertis-sans qu'ilz aient à prandre leurs repas de si bonne heure qu'ilz puissent y arriver, à lad. heure de six heures du soir et changez par sepmaine, affin que chacun se resente du labeur. Vous nous advertirez aussi des cappitaines qui ne feront leur debvoir, pour estre condannez en l'amende, faictes aussi que cha­cune compaignie qui sera commise à la garde, soyt de jour ou de nuict, puisse arriver à cinq heures du soir au plus tart, et que sur le lieu l'on appelle les dé­faillans cotiez, pour estre condannez par vous, pour la premiere fois, en quarente solz parisis d'amende, le tiers applicable aux sergens et capporaulx qui vous font service, l'aultre tiers pour le cappitaine qui y aura assisté, pour avoir du bois et aultres ne­cessitez pour la compaignye, et l'aultre liers à la Ville; el deffences de ne partir de lad. garde de la nuict, jusques ad ce que la garde du jour soyt arri­vée', et aussi du jour à la nuict, sur peine de la vie;
et où il y en aura aulcuns qui facent faulte pour la seconde fois, vous nous le ferez sçavoir et nous envoyerez ung roolle pour les condanner en telles amendes que les aultres y prandroht exemple. Vous tiendrez aussi la main ad ce que chacun se garde de tirer harquehuzes ou pistolles sans alarme, sinon depuis huict heures du matin jusques à quatre heures de rellevée, sur peine de la vie.
"Il est ordonné que le Quartinier du quartier cy dessus fera assavoir le contenu cy dessus aux cappi­taines dud. quartier, pour eulx assembler et esliie l'un d'eulx pour commancer dedans huy la sep­maine, et nous certiffiez par chacun jour de la dil­ligence qui sera faicte au contenu cy dessus. Faict au Bureau de lad. Ville, le dix"'c jour d'Octobre mil cinq cens soixante sept."
Signé : Bachelier.
De par les Prevost des Marchans et Eschevins de la ville de paris.
«Cappitaines des arbalestiers et pistolliers, ne faillez à aller ou envoier par chacune nuict dedans le Temple pour faire la garde depuis cinq heures du soir jusques au lendemain matin à plain jour, et irez jusques au nombre de trente hommes qui en facent lel debvoir que le Roy et la Ville s'en puissent contanter. Faict au Bureau de lad. Ville, le dix"" jour d'Octobre mil cinq cens soixante sept."
Signé : Bachelier.
De par les Prevost des Marchans et Eschevins de Paris.
"Sur la remonstrance faicte par aulcuns des Quartiniers de cested. Ville sur ce qu'il y a beaucoup de pauvres gens qui sont armez de harquebouzes,